அரசு பேருந்து நடத்துனர் மீது தாக்குதல்: இருவர் கைது

திருத்துறைப்பூண்டியில் இருந்து திருக்கொள்ளிக்காடு மார்க்கத்தில் சென்ற அரசு பேருந்தில் பயணம் செய்த கல்லூரி மாணவர்கள் அவர்களுக்குள் பிரச்சனை ஏற்பட்டு சத்தம் போட்டு வந்துள்ளனர் . அப்போது அந்த பேருந்தின் நடத்துனர் அவர்களிடம் சென்று ஏன் சத்தம் போடுகிறீர்கள் எனக் கேட்டபோது நடத்துனருக்கும், கல்லூரி மாணவர்களுக்கும் இடையே வாய் தகராறு ஏற்பட்டுள்ளது.

அப்போது நடத்துனரை கல்லூரி மாணவர்கள் பேருந்தில் இருந்து கீழே தள்ளிவிட்டனர் .இச்ச சம்பவத்தில் காயம் பட்ட பேருந்தின் நடத்துனர் திருத்துறைப்பூண்டி அரசு மருத்துவமனையில் சிகிச்சைக்காக சேர்க்கப்பட்டுள்ளார். இது தொடர்பாக பாதிக்கப்பட்ட பேருந்து நடத்துனரிடம் சம்பவம் தொடர்பாக புகார் பெற்று சுர்ஜித்சிங் பர்னாலா,முருகதாஸ், மணிகண்டன் ,பிரியதரன் மற்றும் சந்தோஷ் ஆகிய ஐந்து நபர்கள் மீது வழக்கு பதிவு செய்யப்பட்ட நிலையில் சுர்ஜித்சிங் பர்னாலா, முருகதாஸ் ஆகியஇருவரை போலீசார் கைது செய்தனர் .மேலும் 3 நபர்களை போலீசார் தேடி வருகின்றனர்.