மரம் வளர்ப்பு குறித்து விழிப்புணர்வு

திண்டுக்கல் மாவட்டம் நத்தம் பகுதியில் மரம் வளர்ப்பு குறித்து பள்ளி மாணவர்களுக்கு விழிப்புணர்வை ஏற்படுத்தும் வகையில், நடைபெற்ற மரக்கன்று நடும் நிகழ்ச்சி பெரும் வரவேற்பை பெற்றிருக்கிறது.

பெரியகுளம் தோட்டக்கலை கல்லூரி மற்றும் ஆராய்ச்சி நிலைய, கிராமப்புற வேளாண் பணி அனுபவத் திட்டத்தின் நத்தம் குழு மாணவர்கள், சமுதிராப்பட்டி ஊராட்சி ஒன்றிய தொடக்கப்பள்ளியில் இளம் குழந்தைகள் மனதில் விவசாயம் மற்றும் ஊக்குவிக்கும் வகையில் 'மா' மற்றும் 'புங்கம்' கன்றுகளை நட செய்தனர்.மேலும் தோட்டக்கலை கல்லூரி மாணவர்களும், ஊராட்சி ஒன்றிய பள்ளி மாணவர்களும் இணைந்து சுற்றுச்சூழல் பாதுகாப்பு மற்றும் உயர் கல்வியின் முக்கியத்துவம் குறித்து விழிப்புணர்வு பேரணி நடத்தினர்.