வணிகர்களுக்கு விழிப்புணர்வு கருத்தரங்கு

நாமக்கல் மாவட்டம் சேந்தமங்கலம் நகர அரிமா சங்கத்தின் கூட்டம் அதன் தலைவர் விமல் தலைமையில் நடைபெற்றது. செயலாளர் செல்லதுரை, முன்னாள் தலைவர்கள் கந்தசாமி, வரதராஜு, சசிகுமார், வரதராஜன், சீனிவாசகுமார், மனோகரன் ஆகியோர் முன்னிலை வகித்தனர். செயலாளர் கார்த்திகேயன் வரவேற்புரை நிகழ்த்தினார். நிகழ்ச்சியில் தமிழ்நாடு வணிகர் சங்கங்களின் பேரமைப்பின் நாமக்கல் மாவட்ட தலைவர் ஜெயகுமார் வெள்ளையன் சிறப்பு விருந்தினராக கலந்து கொண்டு பேசுகையில்  பேரமைப்பின் செயல்பாடுகள் குறித்தும், தமிழ்நாடு வணிகர் நல வாரியத்தில் இணைவதால் உண்டாகும் பயன்கள் குறித்தும், பிளாஸ்டிக் ஒழிப்பு மற்றும் மஞ்சப்பை பயன்பாடு குறித்து பொதுமக்களிடையே விழிப்புணர்வு ஏற்படுத்தும் வகையில் நிகழ்ச்சிகள் நடத்திட அரிமா சங்க நிர்வாகிகளுக்கு வேண்டுகோள் விடுத்தார். நிகழ்ச்சியில் பேரமைப்பின் மாவட்ட இணை செயலாளர் தேவி உதயகுமார், ஒருங்கிணைப்பாளர் சேந்தை கோபாலகிருஷ்ணன் ஆகியோர் கலந்துகொண்டனர். இறுதியாக அரிமா சங்க பொருளாளர் சசிகுமார் நன்றி கூறினார்.