ரோடு போட வேண்டியது என் பொறுப்பு ஓட்டு போட வேண்டியது உங்கள் பொறுப்பு!

நாடாளுமன்றத் தேர்தல் நெருங்கி வரும் நிலையில் வேட்பாளர்களின் தேர்தல் பிரச்சாரம் சூடு பிடிக்க தொடங்கியுள்ளது. கடும் வெயிலையும் பொருட்படுத்தாமல் அனைத்து கட்சி வேட்பாளர்கள் தீவிரமாக வாக்கு சேகரித்து வருகின்றனர். அந்த வகையில் மதுரை மக்களவைத் தொகுதியில் பாரதிய ஜனதா கட்சி சார்பில் போட்டியிடும் வேட்பாளர் பேராசிரியர் ராம சீனிவாசன் 86வது வார்டுக்கு உட்பட்ட கீரைத்துறை உள்ளிட்ட சுற்று பகுதிகளில் பொது மக்களிடையே மோடி அரசின் சாதனைகளை கூறி தீவிரமாக வாக்கு சேகரித்தார். இந்த பிரச்சாரத்தின் போது வேட்பாளர் ராம சீனிவாசன் கூறுகையில் கீரைத்துறை பகுதிகளில் சாலைகள் மிகவும் மோசம் அடைந்து உள்ளது நான் வெற்றி பெற்ற பிறகு முதல் வேலையாக சாலை அமைத்துக் கொடுப்பது என்னுடைய பொறுப்பு அதே போல் எனக்கு வாக்களிக்க வேண்டியது உங்களுடைய பொறுப்பு, திமுக அதிமுகவினர் தரும் பணத்தை வாங்கிக்கொண்டு பிஜேபிக்கு வாக்களியுங்கள் என்றும் மோடி அரசின் சாதனைகளை கூறினார். இந்த பிரச்சாரத்தின் போது 86வது வார்டு மாமன்ற உறுப்பினர் பூமா ஜனா ஸ்ரீ முருகன் மற்றும் பாஜக நிர்வாகிகள் தொண்டர்கள் பலர் உடன் இருந்தனர்