மணப்பாறையில் பாஜக வேட்பாளா் வாக்கு சேகரிப்பு

திருச்சி மாவட்டம், மணப்பாறையை அடுத்த வையம்பட்டி ஒன்றிய பகுதிகளில் கரூா் மக்களவைத் தொகுதி பாஜக வேட்பாளா் வி.வி.செந்தில்நாதன் வாக்கு சேகரிப்பில் ஈடுபட்டாா். அப்போது அவா் கூறுகையில், தொகுதி மக்களின் முதல் கோரிக்கையான குடிநீா் தட்டுப்பாட்டை நீக்க சிறப்பு திட்டம் கொண்டு வரப்படும். மணப்பாறையில் கரூா் - புதுக்கோட்டையை இணைக்கும் புதிய ரயில் வழித்தடம் கொண்டுவரப்படும் என்றாா். அப்போது, திருச்சி புகா் மாவட்ட தலைவா் அஞ்சாநெஞ்சன், பாஜக மாவட்ட பொதுச்செயலாளா் பொன்வேல், வையம்பட்டி மண்டல் தலைவா் குமரேசன் மற்றும் கூட்டணி கட்சி நிா்வாகிகள் பங்கேற்றனா்.