மூன்று மாநில தேர்தலில் பாஜகவின் வெற்றியை பட்டாசு வெடித்து கொண்டாடிய பாஜகவினர்

கடந்த மாதம் ராஜஸ்தான், மத்திய பிரதேசம், சத்தீஸ்கர், மிசோரம், தெலுங்கானா உள்ளிட்ட ஐந்து மாநில தேர்தல் நடைபெற்று முடிந்த நிலையில், இன்று சத்தீஸ்கர், தெலுங்கானா, மத்திய பிரதேசம், ராஜஸ்தான் உள்ளிட்ட நான்கு மாநிலங்களில் பதிவான வாக்குகளின் என்னும் பணி இன்று நடைபெற்றது. இதில் பாஜக தலைமையிலான கூட்டணி கட்சியினர் ராஜஸ்தான், சத்தீஸ்கர் ,மத்திய பிரதேசம், ஆகிய மூன்று மாநிலங்களில் தனி பெரும்பான்மையுடன் ஆட்சி அமைக்க உள்ள நிலையில் இந்த வெற்றியை இந்தியா முழுவதும் உள்ள பாஜகவினர் பட்டாசு வெடித்தும் இனிப்புகள் வழங்கியும் கொண்டாடி வருகின்றனர். இந்த வெற்றியை விருதுநகர் பாஜக கிழக்கு மாவட்டத்தை சார்ந்தோர் கொண்டாடும் விதமாக கிழக்கு மாவட்ட தலைவர் பாண்டுரங்கன் தலைமையில் பாஜக நிர்வாகிகள் ஏராளமானோர் விருதுநகர் கருமாரி மடம் பேருந்து நிறுத்தத்தில் இருந்து இருசக்கர வாகன ஊர்வலமாக நகராட்சி அலுவலகம், தெப்பம், மெயின் பஜார் , மேலத்தெரு, வழியாக நகரின் முக்கிய வீதி வழியாக சென்று தேசபந்து மைதானத்தில் அமைந்துள்ள ஸ்ரீ பராசக்தி மாரியம்மன் கோவில் முன்பு பட்டாசு வெடித்து பொதுமக்களுக்கு இனிப்புகளை வழங்கி கொண்டாடினார்.