பாரதிய ஜனதா கனவு உடைந்தது : விஜய் வசந்த்

கன்னியாகுமரி பாராளுமன்ற தேர்தலில் வெற்றி பெற்ற விஜய் வசந்த்துக்கு மாவட்ட தேர்தல் தேர்தல் அலுவலர்  கலெக்டர் ஸ்ரீதர் வெற்றி  சான்றிதழ் வழங்கினார். பின்னர் விஜய் வசந்த் எம்பி கூறியதாவது:-        கன்னியாகுமரி நாடாளுமன்ற தொகுதியில் நான் போட்டியிட வாய்ப்பு அளித்த அகில இந்திய தலைவர் மல்லிகார்ஜுன கார்கே,  ராகுல் காந்தி, சோனியா காந்தி ஆகியோருக்கும், மாநில தலைவர் செல்வ பெருந்தகைக்கும் நான் நன்றியை தெரிவித்துக் கொள்கிறேன்.     தமிழகத்தில் 40 தொகுதிகளிலும் வெற்றி பெற உறுதுணையாக இருந்த தமிழக முதலமைச்சர் மு க ஸ்டாலினுக்கும், தமிழக முழுவதும் சூறாவளி பிரச்சாரம் செய்து வெற்றிக்கு காரணமாக இருந்த உதயநிதி ஸ்டாலினுக்கும் நன்றியை தெரிவித்துக் கொள்கிறேன்.   தமிழகத்தில் பாரதிய ஜனதா கால் ஊன்றி விடலாம் என்று கனவு கண்டார்கள். அந்த கனவுகளை உடைத்து 40 தொகுதிகளிலும் வெற்றி பெற்றுள்ளோம். வாக்களித்த மக்களுக்கு நன்றி தெரிவித்துக்கொள்கிறேன். குமரி மாவட்ட மக்களின் குறைகளை கேட்டு நிவர்த்தி செய்ய நடவடிக்கை எடுக்கப்படும். இவ்வாறு அவர் கூறினார்.