கல்குவாரி குட்டையில் வாலிபர் சடலம் - போலீஸ் விசாரணை!

வேலூர் மாவட்டம் கே.வி.குப்பம் தாலுகா, ஆலங்கனேரி அடுத்த செம்பட்டரை கிராமத்தில் உள்ள கல்குவாரி குட்டையில் வாலிபர் ஒருவர் இறந்து கிடந்தார். இதுகுறித்து தகவல் அறிந்ததும் கே.வி.குப்பம் போலீசார் சம்பவ இடத்திற்கு விரைந்து சென்று உடலைக் கைப்பற்றி விசாரணை நடத்தினர். விசாரணையில் பிணமாக கிடந்தவர் வடுகந்தாங்கல் அடுத்த ராஜபாளையம் கிராமத்தைச் சேர்ந்த முருகேசன் என்பவரது மகன் சுபாஷ் (25), வேன் டிரைவர் என்பது தெரிய வந்தது. இதுகுறித்து கே.வி.குப்பம் இன்ஸ்பெக்டர் நிர்மலா வழக்குப்பதிவு செய்து சுபாசை யாராவது கொலை செய்து கல்குவாரி தண்ணீரில் வீசிவிட்டு சென்றார்களா? அல்லது தவறி விழுந்து இறந்தாரா? என பல்வேறு கோணங்களில் விசாரணை நடத்தி வருகின்றார்.