வீட்டின் பூட்டை உடைத்து 9 பவுன் நகை, 1 லட்சம் கொள்ளை

ஈரோடு பெரியசேமூர் ஈ.பி.பி.நகர் பகுதியை சேர்ந்தவர் ஞானபிரகாஷ். இவர் நேற்று முன்தினம் ஞானபிரகாஷ் வீட்டை பூட்டி விட்டு, உறவினர் வீட்டு திருமண நிகழ்ச்சியில் கந்து கொள்வதற்காக குடும்பத்துடன் கோபி சென்றுவிட்டார். இந்த நிலையில் ஞானபிரகாஷ் வீட்டின் பூட்டு உடைக்கப்பட்டு கதவு திறந்து கிடந்தது. இதைப்பார்த்த அக்கம் பக்கத்தினர் இதுகுறித்து ஞானபிரகாசுக்கு தகவல் கொடுத்தனர். இதைத்தொடர்ந்து அவர் வீட்டுக்குள் சென்று பார்த்தபோது பீரோ உடைக்கப்பட்டு அதில் இருந்த பொருட்கள் அங்கும் இங்குமாக சிதறிக்கிடந்தன. மேலும் பீரோவில் வைக்கப்பட்டு இருந்த 9 பவுன் நகை மற்றும் ரூ.1 லட்சத்தை காணவில்லை. அதை யாரோ மர்ம நபர்கள் திருடிச்சென்றது தெரியவந்தது. பின்னர் ஞானபிரகாஷ் இதுகுறித்து ஈரோடு வீரப்பன்சத்திரம் போலீசில் புகார் செய்தார்.புகாரின் பேரில் காவல்துறையினர் வழக்குப்பதிவு செய்து விசாரணை நடத்தி வருகின்றனர்