இறைச்சி கடையில் திருட்டு

சேலம் மாவட்டம், ஆத்தூர் அருகே உள்ள கெங்கவல்லி பேரூராட்சியில் வடக்கு வீதியில் ரியாஸ் என்பவருக்கு சொந்தமான ஆடு இறைச்சி கடை உள்ளது.இக்கடையின் வெளிப்புறத்தில் இறைச்சி வெட்டுவதற்காக பலகை உள்ளிட்ட பொருட்கள் வைக்கப்பட்டு இருப்பது வழக்கம்.

வழக்கம்போல் ரியாஸ் கடையை பூட்டி விட்டு இரவில் சென்ற பின் நள்ளிரவில் அவ்வழியே சென்ற மர்ம நபர்கள் இறைச்சி வெட்டுவதற்கு பயன்படுத்தப்பட்ட பலகை உள்ளிட்ட பத்தாயிரம் ரூபாய் மதிப்பிலான பொருட்களை திருடிச் சென்றுள்ளனர்.

இதுகுறித்து சிசிடிவி காட்சி தற்போது சமூக வலைதளங்களில் வைரலாகி வருகிறது இது குறித்து ரியாஸ் அளித்த புகாரின் அடிப்படையில் கெங்கவல்லி போலீசார் வழக்கு பதிவு செய்து விசாரணை மேற்கொண்டு வருகின்றன