பள்ளியில் கிறிஸ்துமஸ் விழா

சங்கராபுரம் டேனிஷ் மிஷின் தொடக்கப் பள்ளியில் ரோட்டரி கிளப் சார்பில் கிறிஸ்துமஸ் விழா நடந்தது. விழாவிற்கு, ரோட்டரி தலைவர் நடராஜன் தலைமை தாங்கினார். செயலாளர் கோபிநாத், முன்னாள் துணை ஆளுநர்கள் முத்துக்கருப்பன், திருநாவுக்கரசு, துணை ஆளுநர் வெங்கடேசன், பள்ளி தாளாளர் தங்கதுரை முன்னிலை வகித்தனர். பள்ளி தலைமை ஆசிரியர் ஜான் வெஸ்லி வரவேற்றார். கிறிஸ்துமஸ் விழாவை முன்னிட்டு பள்ளி மாணவ, மாணவியர்களின் கலை நிகழ்ச்சி நடந்தது. அனைவருக்கும் கிறிஸ்துமஸ் கேக் வழங்கப்பட்டது. நிகழ்ச்சியில் முன்னாள் தலைவர்கள் ஆறுமுகம், சுதாகரன், அசோக்குமார் மற்றும் உறுப்பினர்கள் பங்கேற்றனர். ரோட்டரி பொருளாளர் சங்கர் நன்றி கூறினார்.