படிக்கட்டில் தொங்கிய மாணவரால் கண்டக்டருக்கு அடி

வேடசந்துார்: அரசு டவுன் பஸ் படிக்கட்டில் தொங்கிய மாணவரை மேலே ஏறி வர கூறிய கண்டக்டருக்கு அடி விழுந்ததால் அவர் மருத்துவமனையில் சேர்க்கப்பட்டார். வேடசந்துார் பஸ் ஸ்டாண்டில் இருந்து கோடாங்கிபட்டி, புளியமரத்துக்கோட்டை வழியாக காசிபாளையத்துக்கு நேற்று மாலை 5: 50 மணிக்கு அரசு பஸ் சென்றது. பஸ்சில் போதிய பயணிகள் இல்லாத நிலையில் பள்ளி மாணவர்கள் சிலர் படிக்கட்டில் தொங்கிக் கொண்டு வந்தனர். அவர்களை கண்டக்டர் கிருஷ்ணசாமி மேலே ஏறி வரும்படி கூறினார். பிளஸ் 2 மாணவர் வாக்குவாதம் செய்து கண்டக்டரை தாக்கினார். அங்கு வந்த மாணவரின் தந்தை பஸ் டிரைவர், போலீசார் உடன் வாக்குவாதத்தில் ஈடுபட்டார்.