நடிகர் விஜய் கொள்கைகளுக்கு வாழ்த்துக்கள்:நடிகர் ஆரி அர்ஜுன்

கோவை மாவட்டம் அன்னூர் அடுத்துள்ள பொன்னேகவுண்டன் புதூர் பகுதியில் ரத்தினம் கல்லூரியின் புதிய கல்லூரி வளாகத்தின் திறப்பு விழா நிகழ்ச்சி நடைபெற்றது.இதில் திரைப்பட நடிகர் ஆரி அர்ஜுன் சிறப்பு விருந்தினராக கலந்து கொண்டு புதிய வளாகத்தினை திறந்து வைத்தார்.

தொடர்ந்து மாணவ, மாணவிகளின் கண்கவர் கலை நிகழ்ச்சிகளும் நடைபெற்றன.இதனை ஆர்வத்துடன் நடிகர் ஆரி அர்ஜூன் கண்டு ரசித்தார். பின்னர் செய்தியாளர்களை சந்தித்த நடிகர் ஆரி அர்ஜுன் எப்படி அரசியலில் வருகிறோம் என்பது முக்கியமல்ல. அரசியலில் என்ன செய்கிறோம் என்பதே முக்கியம்.

ஒரு நல்ல அரசியல் மாற்றத்திற்காக முயற்சிக்கும் நடிகர் விஜய்க்கும்,அவரது கொள்கைகளுக்கும் வாழ்த்துக்கள் எனவும் கல்லூரி மாணவர்கள் போதைப்பொருள்கள் உள்ளிட்டவற்றிற்கு அடிமையாகக்கூடாது. அவ்வாறு அடிமையாகும் சக நண்பர்களை நண்பர்களை கண்டிக்க வேண்டும். பெற்றோர்களுக்கு தெரியாத விஷயங்கள் கூட நண்பர்களுக்கு தெரிய வரும்.கல்லூரியில் படிக்கும் மாணவர்கள் தவறான வழியில் சென்றால் முதலில் சக மாணவர்களுக்கே தெரியும் என்பதால் நண்பர்களே அதனை தடுக்க முயற்சிக்க வேண்டும் என பேசினார்.

இந்நிகழ்ச்சியில் கல்லூரியில் நிர்வாகிகள் பேராசிரியர்கள் மாணவ மாணவிகள் என திரளாக கலந்து கொண்டனர்.