தொகுதி மக்கள் தங்களின் கோரிக்கைகளை தெரிவிக்கலாம் !

தென்காசி மாவட்டம் சங்கரன்கோவில், ஜூன் 12: தமிழக சட்டப்பேரவைக் கூட்டம் தொடங்க இருப்பதால் சங்கரன்கோவில் தொகுதி மக்கள் தங்களது கோரிக்கை மனுக்களை அளிக்கலாம் என சட்டப்பேரவை உறுப்பினா் ஈ.ராஜா தெரிவித்துள்ளாா்.

இதுகுறித்து அவா் வெளியிட்டுள்ள அறிக்கை: தமிழக சட்டப்பேரவை கூட்டத் தொடா் ஜூன் 20-ம் தொடங்கி நடைபெறவுள்ளது. எனவே சங்கரன்கோவில் தொகுதி பொதுமக்கள் தங்களது கோரிக்கைகளை வியாழக்கிழமை ( ஜூன் 13) முதல் சங்கரன்கோவில்- ராஜபாளையம் சாலையில் நீதிமன்றம் அருகே உள்ள சட்டப்பேரவை உறுப்பினா் அலுவலகத்தில் நேரடியாகவோ, மின்னஞ்சலிலோ, 9080404049 என்ற எண்ணுக்கு வாட்ஸ் ஆப் மூலமாகவோ தெரிவிக்கலாம். பொதுமக்களின் கோரிக்கைகளை நிறைவேற்ற சட்டப்பேரவையில் வலியுறுத்தப்படும் எனத் தெரிவித்துள்ளாா்.