நாமக்கல்: வேளாண் சங்கத்தில் ரூ. 53 லட்சத்துக்கு பருத்தி ஏலம்!

நாமக்கல் வேளாண் உற்பத்தியாளர்கள் கூட்டுறவு விற்பனை சங்கத்தில், 53 லட்சம் ரூபாய்க்கு பருத்தி ஏலம் நடந்தது. நாமக்கல் -திருச்செங்கோடு சாலையில் செயல்படும் வேளாண் உற்பத்தியாளர்கள் கூட்டுறவு விற்பனை சங்க வளாகத்தில் பருத்தி ஏலம் நடந்தது. பல்வேறு மாவட்டங்களை சேர்ந்த விவசாயிகள், 2,200 பருத்தி மூட்டைகளை விற்பனைக்கு கொண்டு வந்தனர். இதில் RCH ரக பருத்தி குவிண்டால், 5,400 ரூபாய் முதல், 7,619 ரூபாய் வரையும், TCH ரகம், 7,629 ரூபாய் முதல், 8,399 ரூபாய் வரையும், கொட்டு மட்ட ரகம், 4,425 ரூபாய் முதல், 5,925 ரூபாய் என, மொத்தம், 53 லட்சம் ரூபாய்க்கு பருத்தி விற்பனையானது.