இருக்கன்குடி மாரியம்மன் கோவிலில் அலைமோதிய கூட்டம்

விருதுநகர் மாவட்டம் சாத்தூர் அருகே இருக்கன்குடி மாரியம்மன் கோவில் தென்தமிழகத்தில் மிகவும் பிரசித்தி பெற்று விளங்குகிறது. இக்கோவிலுக்கு ஆண்டு முழுவதும் ஏராளமான பக்தர்கள் சாமி தரிசனம் செய்வது வழக்கம்.

இருந்தாலும் ஆடி பங்குனி சித்திரை 1 லிட்டர் மாதங்கள் அம்மனுக்கு மிகவும் சிறப்பு வாய்ந்த மாதங்களாகவும் சிறப்பு பூஜைகளும் நடைபெறும். இம்மாதங்களில் தென் தமிழகம் முழுவதிலும் இருந்து ஏராளமான பக்தர்கள் மாரியம்மன் கோவிலுக்கு வந்து அம்மனை தரிசனம் செய்வது வழக்கமாகக் கொண்டுள்ளனர்.

இந்த நிலையில் தை மாதம் பிறந்த நாள் முதல் தூத்துக்குடி திருநெல்வேலி தென்காசி கடையநல்லூர்,சங்கரன்கோவில் புளியங்குடி உள்ளிட்ட பல்வேறு பகுதிகளில் இருந்து நூற்றுக்கணக்கான பக்தர்கள் தினமும் குழுக்கள் குழுக்களாக பாதயாத்திரை ஆக அம்மன் பாடலை பாடி ஆடிய வண்ணம் வந்த வண்ணம் இருந்தனர். இன்று தை மாதம் கடைசி வெள்ளி கிழமையையொட்டி தமிழகம் முழுவதில்லை ஏராளமான பக்தர்கள் வந்து குவிந்த வண்ணம் இருந்தனர்.

இதனால் அதிகாலை 4 மணிக்கு கோவில் நடை திறக்கப்பட்டு. சாமிக்கு பால், பன்னீர், இளநீர், தேன் சந்தனம், ஜவ்வாது உள்ளிட்ட 21 திவ்ய நறுமண பொருட்களை கொண்டு அம்மனுக்கு சிறப்பு அபிஷேகம் மற்றும் அலங்காரமும் நடைபெற்றது. பின்னர் அம்மனுக்கு 21 முக தீபங்கள் உள்ளிட்ட பல்வேறு தீபாராதனைகளும் சிறப்பு வழிபாடும் நடைபெற்றது.

சாத்தூர் , இருக்கன்குடி மற்றும் சுற்றுவட்டார பகுதியில் இருந்தும் மதுரை, தூத்துக்குடி , நெல்லை ,தென்காசி உள்ளிட்ட பல்வேறு பகுதிகளில் இருந்து பக்தர்கள் வசதிக்காக சிறப்பு பேருந்துகள் இயக்கப்பட்டது. எனினும் பக்தர்கள் பாதயாத்திரையாக வந்தனர். கார் வேன், லாரி உள்ளிட்ட வாகனங்களிலும் வந்திருந்தனர். பக்தர்கள் பக்தியுடன் பொங்கலிட்டு அக்கினிச்சட்டி, ஆயிரங்கண் பானை எடுத்தல், உள்ளிட்ட தங்கள் நேர்த்திக் கடனை செலுத்தி சாமி தரிசனம் செய்தனர்.

மேலும் பக்தர்கள் மாவிளக்கு எடுத்தும் , உருண்டு கொடுத்தும் , தங்களது நீண்ட நாள் நேர்த்திக்கடன்களை செலுத்தினர். பக்தர்கள் கூட்டம் அதிகமாக இருந்ததால் பக்தர்கள் பாதுகாப்பு கருதி கூடுதல் காவல் கண்காணிப்பாளர், 2 துணை காவல் கண்காணிப்பாளர், 4 இன்ஸ்பெக்டர்கள், 12 சப் இன்ஸ்பெக்டர்கள் உட்பட 500 க்கும் மேற்பட்ட போலீசார் பாதுகாப்பு பணியில் ஈடுபட்டனர்.