சேலம் : கூலித்தொழிலாளி தற்கொலை
சேலத்தில் மனைவியுடன் ஏற்பட்ட தகராற்றால் கூலித்தொழிலாளி தற்கொலை செய்து கொண்ட சம்பவம் குறித்து காவல்துறையினர் விசாரணை மேற்கொண்டு வருகின்றனர்.
Update: 2024-01-20 09:34 GMT
தற்கொலை
சேலம், திருவாக்கவுண்டனூர் கண்ணகி தெருவை சேர்ந்தவர் உதயகுமார் (வயது 27). கூலி தொழிலாளி. இவரது மனைவி சந்தியா இவர்களுக்கு 2 குழந்தைகள் உள்ளனர். உதயகுமாருக்கு மதுகுடிக்கும் பழக்கம் இருந்ததாக கூறப்படுகிறது. இவர் தினமும் குடித்து விட்டு வந்து மனைவியிடம் தகராறு செய்துள்ளார். நேற்று முன்தினம் கணவன்-மனைவிக்கு இடையே தகராறு ஏற்பட்டுள்ளது. இதனால் சந்தியா கோபித்து கொண்டு பெற்றோர் வீட்டுக்கு சென்று விட்டார். இந்த நிலையில் உதயகுமார் வீட்டில் தூக்குப்போட்டு தற்கொலை செய்து கொண்டார். இதுகுறித்து சூரமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.