மூதாட்டி உயிரிழப்பு

திருப்பத்தூர் மாவட்டம் ஜோலார்பேட்டை பார்சம்பேட்டை ரயில்வே மேம்பாலம் அருகே பைக்கில் இருந்து தவறி விழுந்த மூதாட்டி உயிரிழப்பு! திருப்பத்தூர் மாவட்டம் ஜோலார்பேட்டை அருகே கவுண்டப்பனுார் கிராமத்தைச் சேர்ந்தவர் பலராமன். இவரது மனைவி ராணி(65). இவர் தனது பேரனுடன் பைக்கில் ஜோலார்பேட்டை நோக்கி சென்று கொண்டிருந்தார். அப்போது பார்சம்பேட்டை ரயில்வே மேம்பாலம் அருகே சென்றபோது எதிர்பாராத விதமாக பைக்கில் இருந்து ராணி தவறி கீழே விழுந்து படுகாயம் அடைந்தார். உடனே அங்கு இருந்தவர்கள் அவரை மீட்டு திருப்பத்துார் அரசு மருத்துவமனைக்கு கொண்டு சென்றனர். பின்னர் மேல் சிகிச்சைக்காக கிருஷ்ணகிரி அரசு மருத்துவமனைக்கு மாற்றம் செய்யப்பட்டு சிகிச்சை பலனின்றி உயிரிழந்தார் இது குறித்து ஜோலார்பேட்டை போலீசார் வழக்கு பதிவு செய்து விசாரணை நடத்தி வருகின்றனர்.