நாமக்கல்லில் நாளை மாவட்ட காங்கிரஸ் நிர்வாகிகள் கூட்டம்

காங்கிரஸ் கட்சியின் மாநில தலைவரும், சட்டமன்ற உறுப்பினருமான கு. செல்வப்பெருந்தகை 14/05/2024 செவ்வாய்க்கிழமை முதல் 17/05/2024 வெள்ளிக்கிழமை வரை நான்கு நாட்களுக்கு மேற்கு மண்டலத்தில் உள்ள அனைத்து மாவட்டங்களில் சுற்றுப்பயணம் மேற்கொள்ள உள்ளார். இதுதொடர்பாக தமிழ்நாடு காங்கிரஸ் கமிட்டியின் மாநில செய்தித் தொடர்பாளரும், மேற்கு மண்டல ஊடக ஒருங்கிணைப்பாளரும், ஓபிசி பிரிவின் மாநில துணைத் தலைவருமான டாக்டர் PV செந்தில் விடுத்துள்ள செய்தி குறிப்பில் தெரிவித்துள்ளதாவது,

தமிழக காங்கிரஸ் மாநிலத் தலைவர் கு. செல்வப்பெருந்தகை தலைவரான பிறகு கட்சியை வலுப்படுத்த பல்வேறு நடவடிக்கைகளையும் மாற்றங்களையும் முன்னெடுத்து வருகிறார். மேலும் கட்சியை வலுப்படுத்தவும் கட்சியை அடுத்த கட்டத்திற்கு கொண்டு செல்லவும் தமிழகம் முழுவதும் ஒவ்வொரு மாவட்ட நிர்வாகிகள் மற்றும் தொண்டர்களை சந்தித்து ஆலோசனை கூட்டங்கள் நடத்தி வருகிறார். அந்த வகையில், தற்போது தமிழகம் முழுவதும் ஒவ்வொரு மாவட்ட நிர்வாகிகள் மற்றும் தொண்டர்களை சந்தித்து ஆலோசனை நடத்தி வருகிறார்.

நாமக்கல் கிழக்கு மற்றும் மேற்கு மாவட்ட காங்கிரஸ் நிர்வாகிகள் கூட்டம், நாமக்கல்- பரமத்தி சாலையில் உள்ள கொங்கு திருமண மண்டபத்தில், நாளை (16ம் தேதி) வியாழக்கிழமை காலை 10 மணிக்கு நடைபெறுகிறது. இந்த கூட்டத்தில், தமிழ்நாடு காங்கிரஸ் கமிட்டி தலைவர் செல்வப்பெருந்தகை கலந்து கொண்டு பேசுகிறார். எனவே இதில், மாவட்ட, நகர, வட்டார, பேரூர் நிர்வாகிகள் பெருந்திரளாக கலந்து கொள்ள வேண்டும் என இவ்வாறு அதில் கூறியுள்ளார்.