வார்டு வாரியாக தி.மு.க.வினர் பிரச்சாரம் !

நாமக்கல் மாவட்டம் குமாரபாளையத்தில் வார்டு வாரியாக தி.மு.க.வினர் பிரச்சாரம் செய்தனர். நாமக்கல் மேற்கு மாவட்ட திமுக செயலாளர் மதுரா செந்தில் அறிவுறுத்தல் படி, குமாரபாளையம் வடக்கு தி.மு.க. சார்பில் வார்டு வாரியாக தேர்தல் பிரச்சாரம் நடந்தது. இதில் நகராட்சி தலைவர் விஜய்கண்ணன் பேசியதாவது: முதல்வரின் மக்கள் நலத்திட்டங்களை பொதுமக்களிடம் எடுத்துரைக்க வேண்டும். வருகிற நாடாளுமன்றத் தேர்தலில் கழகம் அறிவிக்கும் வேட்பாளர் வெற்றி பெற செய்ய அனைவரும் சிறப்பாக பணியாற்ற வேண்டும்.இவ்வாறு அவர் பேசினார். தி.மு.க. சாதனைகள் குறித்த துண்டு பிரசுரங்கள் பொதுமக்களுக்கு விநியோகம் செய்யப்பட்டன. மாற்றுக்கட்சியினர் பலர் தி.மு.க.வில் சேர்ந்தனர். அவர்களுக்கு சால்வை அணிவித்து வாழ்த்து தெரிவிக்கப்பட்டது. கவுன்சிலர் ஜேம்ஸ், நகர பொறுப்புகுழு உறுப்பினர்கள் ராஜ்குமார், கந்தசாமி மற்றும் வெங்கடேசன், வார்டு கழக உறுப்பினர்கள் மகளிர் அணியினர் ஆகியோர் உட்பட பலர் பங்கேற்றனர்.