பொது மயானத்திற்கு 76 சென்ட் நிலம் தானம் - பொதுமக்கள் பாராட்டு

திருவண்ணாமலை மாவட்டம் செங்கம் டவுன் மேல்பாளையம் பகுதியைச் சேர்ந்த எல்லப்பன் என்பவரின் மகன் ஜெயசங்கர். இவர் செங்கம் தாலுக்கா புதுப்பாளையம் ஒன்றியம் புதூர் செங்கம் கிராமத்தில் தனக்கு சொந்தமான 76சென்ட் நிலத்தை அனைத்து சமூக மக்கள் நலனுக்காக மாயானத்துக்கு தானமாக வழங்கினார். ஊர் முக்கியஸ்தர் ஓய்வு பெற்ற தலைமை ஆசிரியர் மணியரசு தலைமையில் ஊராட்சி மன்ற தலைவர் சசிகுமார் வசம் பத்திர பதிவு செய்து வழங்கினார்.ஊராட்சி நிதியிலிருந்து செங்கம் சார்பதிவாளர் அலுவலகத்தில் பத்திர பதிவு செய்யப்பட்டது. ஊராட்சி சார்பில் ஊராட்சி மன்ற தலைவரும் பொதுமக்களும் நிலம் தானம் வழங்கிய ஜெயசங்கருக்கு மாலை சால்வை அணிவித்து நன்றி தெரிவித்தனர்.