வாகன விபத்தில் மருந்து விற்பனை பிரதிநிதி உயிரிழப்பு

தர்மபுரி சட்டமன்ற தொகுதிக்குட்பட்ட அதகப்பாடி பகுதியைச் சேர்ந்தவர் ஆனந்தராஜ் மருந்து விற்பனை பிரதிநிதியான இவர், தனியார் நிறுவ னத்தில் பணியாற்றி வந்தார். நேற்று இருசக்கர வாகனத்தில் காரிமங்கலம் சென்றார். அங்கிருந்து மாலை 3 மணிக்கு தர்மபுரிக்கு புறப்பட்டார். ஓசூர் -தர்மபுரி புதிய தேசிய நெடுஞ்சாலையில் வந்து கொண்டிருந்தார். சோகத்தூர் அருகே வந்தபோது சாலையோர தடுப்பு சுவற்றில் இருசக்கர வாகனம் மோதி விபத்துக்குள்ளானது. இதில், படுகாயமடைந்த ஆனந்தராஜை அந்த வழியாக சென்றவர்கள் மீட்டு சிகிச்சைக்காக தர்மபுரி அரசு மருத்துவமனையில் சேர்த்தனர். அங்கிருந்த மருத்துவர்கள் பரிசோதித்து பார்த்து விட்டு, ஏற்கனவே ஆனந்தராஜ் இறந்து விட்டதாக தெரிவித்தனர். இது குறித்து, தர்மபுரி நகர காவல் துறையினர் வழக்குப்பதிந்து விசாரித்து வருகின்றனர்.