எடப்பாடி : திமுக சார்பில் நீட் தேர்வுக்கு எதிரான கையெழுத்து இயக்கம்..!

சேலம் மாவட்டம் எடப்பாடியில் திமுக சார்பில் நீட் தேர்வுக்கு எதிரான கையெழுத்து இயக்கம் இன்று தொடங்கப்பட்டது. சேலம் மேற்கு மாவட்ட திமுக சார்பில் மாவட்ட செயலாளர் TM. செல்வகணபதி தலைமையில் இந்த கையெழுத்து இயக்கம் தொடங்கியுள்ளது. இதில், திமுக இளைஞரணி, மாணவர் அணி, மருத்துவர் அணியின் நிர்வாகிகளும் கலந்துகொண்டுள்ளனர்.  நீட் தேர்வை ரத்து செய்ய வேண்டும், மாணவ மாணவியர்களின் கல்வி உரிமைக்கான கோரிக்கையை நிறைவேற்ற வேண்டும் என்று மத்திய அரசுக்கு அழுத்தம் கொடுக்கும் வகையில் இந்த  கையெழுத்து இயக்கம் தற்போது தொடங்கி நடைபெற்று வருகிறது. இதில், திமுக நிர்வாகிகள் மற்றும் மாணவ மாணவியர்கள், பொதுமக்கள் என ஆயிரக்கணக்கானோர் கலந்துகொண்டு கையெழுத்திட்டு வருகின்றனர்.