எடப்பாடி பழனிசாமி இன்று மதுரை வருகை

முன்னாள் அமைச்சர் செல்லூர் கே. ராஜூ வெளியிட்டுள்ள அறிக்கையில் கூறியுள்ளதாவது: நடைபெறும் நாடாளுமன்ற பொது தேர்தலில் போட்டியிடும் கழகம் மற்றும் தோழமை வேட்பாளரை ஆதரித்து கழக பொதுச்செயலாளர் எடப்பாடியார் தொடர்ந்து சூறாவளி சுற்றுப்பயணத்தை மேற்கொண்டு வருகிறார். செல்லும் இடங்கள் எல்லாம் மக்கள் ஆர்ப்பரித்து வருகிறார்கள்.  இதனை தொடர்ந்து  கழகப் பொதுச் செயலாளர் எடப்பாடியார் விருதுநகர் பிரச்சாரத்தை முடித்துக் கொண்டு, மதுரை நாடாளுமன்ற கழக வேட்பாளராக போட்டியிடும் டாக்டர் பா. சரவணனை ஆதரித்து இன்று மாலை 7 மணி அளவில் பழங்காநத்தில் பிரச்சாரத்தை மேற்கொள்கிறார்.இந்த தேர்தல் பிரச்சாரத்தில் தோழமை கட்சி நிர்வாகிகளும் பங்கேற்கிறார்கள்.  ஆகவே பிரச்சாரக் கூட்டத்தில் தாய்மார்கள், தொழிலாளர்கள், இளைஞர்கள், விவசாயிகள் உள்ளிட்ட அனைத்து தர மக்களும் பங்கேற்குமாறு அன்புடன் கேட்டுக்கொள்கிறேன்.