தாரமங்கலத்தில் இருசக்கர வாகனம் மோதி மூதாட்டி உயிரிழப்பு

சேலம் மாவட்டம், தாரமங்கலம் அருகே உள்ள கோழிகாட்டானூர் பகுதியில் வசிக்கும் பழனிச்சாமி என்பவருடைய மனைவி கோவிந்தம்மாள் கடந்த 24ஆம் தேதி தனது பேரன் கார்த்திக் என்பவருடன் மருத்துவமனைக்கு செல்வதற்காக சாலையில் நடந்து சென்று கொண்டிருந்தார், அப்பொழுது அவர் பின்னால் வந்த இருசக்கர வாகனம் அவர் மீது பலமாக மோதியது அதில் அவர் சாலையில் தூக்கி வீசப்பட்டார். இதை தொடர்ந்து படுகாயம் அடைந்த மூதாட்டியை பேரன் கார்த்திக் உள்ளிட்ட அக்கம் பக்கம் உள்ளவர்கள் மீட்டு தனியார் ஆம்புலன்ஸ் மூலம் சேலம் அரசு மருத்துவமனைக்கு சிகிச்சைக்காக அனுப்பி வைத்தனர். பின்பு அவர் மேல் சிகிச்சைக்காக சேலத்தில் உள்ள தனியார் மருத்துவமனையில் சேர்ந்து சிகிச்சை பெற்று வந்தார். இந்த நிலையில் மூதாட்டி சிகிச்சை பலனின்றி பரிதாப உயிரிழந்தார். பின்னர் மூதாட்டியின் மகன் சக்திவேல் கொடுத்த புகாரின் பேரில் தாரமங்கலம் போலீசார் வழக்கு பதிவு செய்து விசாரணை மேற்கொண்டனர்.