கந்தம்பட்டி அருகே வாகனம் மோதி மூதாட்டி சாவு

சேலம் கந்தம்பட்டி பகுதியை சேர்ந்தவர் லட்சுமி (வயது 80). மூதாட்டி நேற்று அதிகாலை கந்தம்பட்டி பகுதியில் தேசிய நெடுஞ்சாலையை கடக்க முயன்றார். அப்போது அந்த வழியாக வந்த வாகனம் அவர் மீது மோதிவிட்டு நிற்காமல் சென்று விட்டது. இதில் தூக்கி வீசப்பட்ட மூதாட்டி பலத்த அடிபட்டு ரத்த வெள்ளத்தில் சம்பவ இடத்திலேயே பரிதாபமாக இறந்தார். அப்போது அந்த வழியாக சென்ற வாகனங்கள் மூதாட்டி உடலில் ஏறி இறங்கி உள்ளது. இதில் மூதாட்டியின் உடல் பாகங்கள் அந்த பகுதியில் சிதறி கிடந்தன. இது குறித்து தகவல் அறிந்த சூரமங்கலம் போலீசார் சம்பவ இடத்திற்கு சென்று மூதாட்டியின் உடல் பாகங்களை எடுத்து சேலம் அரசு ஆஸ்பத்திரிக்கு அனுப்பி வைத்தனர். பின்னர் வழக்குப்பதிவு செய்து விசாரணை நடத்தி வருகின்றனர்.