சேலத்தில் எலக்ட்ரீசியன் மர்ம மரணம்
சேலத்தில் எலக்ட்ரீசியன் மர்ம மரணமடைந்த சம்பவம் குறித்து காவல்துறையினர் விசாரணை மேற்கொண்டு வருகின்றனர்.
Update: 2024-06-02 11:46 GMT
சேலத்தில் எலக்ட்ரீசியன் மர்ம மரணம்
சேலம் திருவாக்கவுண்டனூர் பைபாஸ் அருகே அம்மாசி நகரில் உள்ள காலி இடத்தில் நேற்று வாலிபர் ஒருவர் மர்மமான முறையில் இறந்து கிடந்தார். இதுகுறித்து தகவல் கிடைத்ததும் சூரமங்கலம் போலீசார் விரைந்து சென்றனர். பின்னர் வாலிபரின் உடலை போலீசார் மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். இறந்தவர் யார்? என்று போலீசார் விசாரணை நடத்தினர்.
இதில் அவர் கரூர் மாவட்டம் புகளூர் அருகே உள்ள வேலாயுதம்பாளையம் பகுதியை சேர்ந்த எலக்ட்ரீசியன் உதயகுமார் (வயது 26) என்பது தெரியவந்தது. அவர் எப்படி இறந்து கிடந்தார்? என்பது குறித்து போலீசார் வழக்குப்பதிவு செய்து விசாரித்து வருகின்றனர்.