அனைத்து கார்டுகளுக்கும் இலவச வேட்டி-சேலை வழங்க வலியுறுத்தல்

கெங்கவல்லி:பொங்கல் பண்டிகையை முன் னிட்டு, அனைத்து ரேஷன் கார்டுதாரர்களுக்கும் இலவச வேட்டி- சேலை வழங்க அரசு உத்தரவிட்டது. கெங்கவல்லி தாலுகாவில், 84 ரேஷன் கடைகள் மூலம், 42,725 கார்டுதாரர்கள் பயனடைந்து வருகின்றனர். ஏராளமா னோருக்கு வேட்டி-சேலை வழங்காமல் உள்ளதாக குற்றச்சாட்டு எழுந்துள்ளது.

மாவட்ட நிர்வாகம் தலையிட்டு கெங்கவல்லி பகுதிகளில் உள்ள ரேஷன் கடைகள் மூலம் அனைவருக்கும் இலவச வேட்டி - சேலை முழுமையாக கிடைத்திட நடவடிக்கை எடுக்க வேண்டுமமென பொது மக்கள் கோரிக்கை விடுத்துள்ளனர். இதுகுறித்து விற்பனையாளர்களிடம் கேட்ட போது, 'ஆயிரம் கார்டுகள் உள்ள கடைகளுக்கு 70 சதவீத பேருக்கு 'மட்டுமே வேட்டி சேலைகள் வந்துள்ளன. இதனால், அனைவருக்கும் வழங்கப்படாமல் நிலுவையில் உள்ளது. இதுதொடர்பாக தினந்தோறும் மக்கள் கடும் வாக்குவாதத்தில் ஈடுபட்டு வருகின்றனர் என்றனர்.