தர்மபுரியில் சமத்துவ நாள் உறுதிமொழி ஏற்பு

தருமபுரி மாவட்ட ஆட்சியர் அலுவலக வளாகத்தில் ஏப்ரல் 14-ம் நாள் அன்று அண்ணல் அம்பேத்கரின் பிறந்த நாளை முன்னிட்டு,மாவட்ட ஆட்சித்தலைவர் கி.சாந்தி இஆப, தலைமையில் இன்று (12.04.2024) சமத்துவ நாள் உறுதிமொழி ஏற்கப்பட்டது.

இந்நிகழ்ச்சியில் மாவட்ட ஆட்சித்தலைவர் சமத்துவ நாள் உறுதிமொழியான சாதி வேறுபாடுகளுக்கு எதிராகவும், சாதிகளின் பெயரால் நடக்கும் சமூக அடக்குமுறைகளுக்கு எதிராகவும், தொடர்ந்து போராடி, ஒதுக்கப்பட்டவர்களுடைய உரிமைகளுக்காகவும், ஒடுக்கப்பட்டவர் களுடைய சமத்துவத்திற்காகவும், வாழ்நாள் எல்லாம் குரல் கொடுத்து, எளிய மக்களின் உரிமைகளைப் பற்றி விழிப்புணர்வை ஊட்டிய . நம் அரசியலமைப்பைச் சட்டத்தை வகுத்துத் தந்த அண்ணல் அம்பேத்கர் அவர்களுடைய பிறந்த நாளில், சாதி வேறுபாடுகள் ஏதுமில்லாத சமத்துவ சமுதாயத்தை அமைக்க நாம் அனைவரும் பாடுபடுவோம் என்றும், சக மனிதர்களைச் சாதியின் பெயரால் ஒருபோதும் அடையாளம் காணமாட்டேன் என்றும், சக மனிதர்களிடம் சமத்துவத்தை வாழ்நாள் முழுவதும் கடைப்பிடிப்பேன் என்றும் உளமார உறுதி ஏற்கிறேன் என்ற உறுதிமொழியினை வாசிக்க அரசுத்துறை அலுவலர்கள், மாவட்ட ஆட்சியர் அலுவலக அலுவலர்கள் மற்றும் பணியாளர்கள் உள்ளிட்ட அனைவரும் பின்தொடர்ந்து வாசித்து உறுதிமொழியினை ஏற்றுக்கொண்டனர்.

இந்நிகழ்ச்சியில் மாவட்ட வருவாய் அலுவலர் செ. பால்பிரின்ஸ்லி ராஜ்குமார். மாவட்ட ஆட்சியரின் நேர்முக உதவியாளர் (கணக்குகள்) அருண் மொழித் தேவன், மாவட்ட ஆட்சியரின் பொது மேலாளர் ராஜசேகர், மாவட்ட ஆட்சியரின் நேர்முக உதவியாளர் (தேர்தல்) பிரகாசம், மாவட்ட சமூக நல அலுவலர் பவித்ரா. உட்பட அரசுத்துறை அலுவலர்கள். பணியாளர்கள் கலந்துகொண்டனர்.