சிவகாசியில் கமகமவென புரோட்டா சுட்டு அசத்திய முன்னாள் அமைச்சர்

சிவகாசியில் புரோட்டா சுட்டு அதித்தி வாக்கு சேகரித்த முன்னாள் அமைச்சர் ராஜேந்திரபாலாஜி .. விருதுநகர் மாவட்டம், சிவகாசியில் அதிமுக கூட்டணி கட்சியின் தேமுதிக வேட்பாளர் விஜய் பிரபாகரனுக்கு ஆதரவாக பிரச்சாரத்தில் ஈடுபட்ட முன்னாள் அமைச்சர் ராஜேந்திரபாலாஜி, ஹோட்டலில் பரோட்டா சுட்டு வாக்கு சேகரித்தார்.

அதிமுக கூட்டணியில் விருதுநகர் மக்களவைத் தொகுதியில் போட்டியிடும் தேமுதிக வேட்பாளர் விஜயபிரபாகரன் சிவகாசியில் தங்கி இருந்து தீவிர பிரச்சாரத்தில் ஈடுபட்டு வருகிறார்.சிவகாசி மாநகராட்சி பகுதிகளில் முன்னாள் அமைச்சர் ராஜேந்திரபாலாஜி உடன் விஜய பிரபாகரன் பிரச்சாரத்தில் ஈடுபட்டார். அப்போது சிவகாசி காமராஜர் பூங்காவில் உள்ள தேவர் சிலைக்கு மாலை அணிவித்து மரியாதை செலுத்தி விட்டு,வீடு வீடாக சென்று வாக்கு சேகரிப்பு பணியில் ஈடுபட்டனர்.அப்போது அங்கிருந்த ஹோட்டலுக்கு சென்ற முன்னாள் அமைச்சர் ராஜேந்திரபாலாஜி,வேட்பாளர் விஜயபிரபாகரன் இருவரும்,

புரோட்டா சுட்டு,ஹோட்டலில் சாப்பிட வந்தவர்களிடம் வாக்கு சேகரித்தனர்.அதன்பின் இருவரும் ஒன்றாக அமர்ந்து புரோட்டா சாப்பிட்டனர். தொடர்ந்து சிவகாசி மாநகராட்சி பல்வேறு பகுதிகளில் பிரசாரத்தில் ஈடுபட்டனர்.