கெங்கவல்லி அருகே விபத்தில் விவசாயி பலி

கெங்கவல்லி அருகே வீரகனூர் பேரூராட்சி ராயர்பாளையம் பகுதியைச் சேர்ந்தவர் மாரிமுத்து(78). விவசாயியான இவர், நேற்று முன்தினம் தோட்டத்தில் இருந்து டூவீலரில் வீடு திரும்பிக் கொண்டிருந்தார்.அப்போது, பெரம்பலூரில் இருந்து சேலம் நோக்கி வந்த டூவீலர் இவரது டூவீலரில் மோதியது. இதில், படுகாயமடைந்த மாரிமுத்துவை மீட்டு ஆத்தூர் அரசு மருத்துவமனையில் சேர்த்தனர். பின்னர் சேலம் அரசு மருத்துவமனைக்கு அனுப்பி வைக்கப்பட்டார்.அங்கு, சிகிச்சை பலனின்றி மாரிமுத்து உயிழந்தார். இதுகுறித்து வீரகனூர் போலீசார் விசாரித்து டூவீலரில் வந்து மோதியசேலம் எருமாபாளையம் பகுதியைச் சேர்ந்த தயாநிதி (26) என்பவரை கைது செய்தனர்.