ஆசிரியர் சங்க கூட்டமைப்பு கூட்டம்

திருநெல்வேலி மாவட்ட அனைத்து ஆசிரியர் சங்க கூட்டமைப்பு கூட்டம் நேற்று பாளையங்கோட்டையில் நடைபெற்றது.இதில் உடற்கல்வி இயக்குனர் சங்க செயலாளர் பெரியதுரை தலைமை தாங்கினார். கூட்டத்தில் தவறு செய்தவர்களுக்கு ஆதரவாக விதிகளுக்கு முரணாக மாற்றுப் பணி ஆணை வழங்கிய வள்ளியூர் மாவட்ட தொடக்கக் கல்வி அலுவலரை கண்டித்து தீர்மானம் நிறைவேற்றப்பட்டது. மேலும் போராட்டம் நடத்தவும் கூட்டத்தில் முடிவு செய்யப்பட்டது.இதில் தமிழ்நாடு மேல்நிலைப் பள்ளி தலைமையாசிரியர் கழக திருநெல்வேலி மாவட்ட செயலர் பாபுசெல்வன் முன்னிலை வகித்தார். பல்வேறு சங்கங்களின் நிர்வாகிகள் வெங்கடேஷ், எஸ்.செல்வநாயகம், பிளெசிங் காந்திராஜா, பாக்கியராஜ், முத்துசாமி உள்பட பலர் கலந்துகொண்டனர்.