சேலம் கலெக்டர் அலுவலகம் அருகே தீ விபத்து !

சேலம் கலெக்டர் அலுவலகம் எதிரே உள்ள நாட்டாண்மை கழக கட்டிட வளாகத்தில் மாவட்ட ஊராட்சி, உணவு பாதுகாப்பு, சுகாதாரப்பணிகள் துறை துணை இயக்குனர் அலுவலகங்கள் செயல்பட்டு வருகின்றன. இந்த அலுவலகங்களை சுற்றி மரங்கள், செடி, கொடிகள் உள்ளன. இந்த நிலையில் நேற்று இரவு 8 மணி அளவில் அந்த வளாகத்தில் உள்ள செடி, கொடிகள் தீப்பிடித்து எரிந்தது. இதுகுறித்து தகவல் அறிந்த செவ்வாய்பேட்டை தீயணைப்பு நிலைய வீரர்கள் சம்பவ இடத்திற்கு சென்று தண்ணீரை பீய்ச்சியடித்து தீயை அணைத்தனர்.