பைக்கிற்குள் பதுங்கியிருந்த பாம்பை பாதுகாப்பாக பிடித்த தீயணைப்பு வீரர்கள்

தூத்துக்குடி வி.வி.டி., ரோட்டில் பைக் ஒர்க்ஷாப்பில் இருசக்கர வாகனத்தில் பாம்பு நுழைந்துள்ளது. இதனை அவ்வழியே சென்ற பாஜக பிரமுகர் காசிலிங்கம் பார்த்துள்ளார். பின்னர் அவரும், ஒர்க்ஷாப் மெக்கானிக்கும் தீயணைப்பு துறைக்கு தகவல் தெரிவித்துள்ளனர்.  இதையடுத்து சம்பவ இடத்திற்கு விரைந்து வந்த தீயணைப்பு வீரர்கள் ஒர்க்ஷாப்பில் பாம்பை தேடும் பணியில் தீவிரமாக ஈடுபட்டனர். இதையடுத்து பைக்கின் பெட்ரோல் டேங்கிற்கு கீழ் பதுங்கியிருந்த பாம்பை பிடித்துச் சென்றனர். இந்த சம்பவத்தால் அப்பகுதியில் சிறிது நேரம் பரபரப்பு ஏற்பட்டது.