"குரூப் - -4 தேர்வுக்கு இலவச பயிற்சி

காஞ்சிபுரம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில், தன்னார்வ பயிலும் வட்டம் வழியாக பல்வேறு மத்திய, மாநில அரசு போட்டித் தேர்வுகளுக்கு இலவச பயிற்சி வகுப்புகள் நடத்தப்படுகின்றன. தமிழ்நாடு அரசு பணியாளர் தேர்வாணையம் விரைவில் அறிவிக்க உள்ள குரூப் - -4 தேர்வுக்கான நேரடி இலவச பயிற்சி வகுப்புகள், மாவட்ட வேலைவாய்ப்பு அலுவலகத்தில், இன்று முதல் நடத்தப்பட உள்ளது. இப்பயிற்சி வகுப்பில் பங்கேற்க விருப்பம் உள்ளவர்கள், வேலைவாய்ப்பு அலுவலக பதிவு அட்டை நகல், ஆதார் உள்ளிட்ட விபரங்களுடன், மாவட்ட வேலைவாய்ப்பு அலுவலகத்தில் நேரில் தொடர்பு கொள்ளவும் என, காஞ்சிபுரம் மாவட்ட கலெக்டர் கலைச்செல்வி தெரிவித்து உள்ளார்."