ஐஏஎஸ் தேர்வில் திருப்பூரைச் சேர்ந்த பெண் தேர்ச்சி !

ஐஏஎஸ் தேர்வில் தேர்ச்சி பெற்ற திருப்பூரை சார்ந்த தாரணி தனது தங்கை நீட் தேர்வுக்கு தயாரானதை பார்த்து இன்ஸ்பிரேஷன் ஆகி அர்ப்பணிப்புடன் படித்து ஐஏஎஸ் தேர்வு வென்றதாக தெரிவித்தார். திருப்பூர் இடுவம்பாளையத்தை சேர்ந்த தாரணி என்ற பெண் ஐ.ஏ.எஸ்., தேர்வில் தேர்ச்சி பெற்றுள்ளார்.

இவர் இந்திய அளவில் 250 வது ரேங்க் பெற்று இருக்கிறார். திருப்பூர் இடுவம்பாளையத்தைச் சேர்ந்த தாரணியின் தந்தை முருகானந்தம் துணிக்கடை நடத்தி வருகிறார். தாயார் சோழன்மாதேவி பள்ளி தலைமை ஆசிரியர் ஆவார். பல் மருத்துவப்படிப்பு முடித்த தாரணி 4 ஆண்டுகளாக ஐ.ஏ.எஸ்., தேர்வுக்கு தயாராகி  நான்காவது முறையாக முயன்று ஐ.ஏ.எஸ்.,ஐ தன் வசமாக்கியுள்ளார்.

இதுகுறித்து ஐ.ஏ.எஸ்., வென்ற தாரணி கூறுகையில்,’ பலரிடம் வழிகாட்டுதல்கள் மட்டும் பெற்றேன். எல்லோருக்கும் திறமை இருக்கிறது. அர்ப்பணிப்புடன் உழைத்தால் ஐ.ஏ.எஸ்., வெற்றி சாத்தியம். எனது தங்கை நீட் தேர்வு பாஸ் செய்ததற்காக அர்ப்பணிப்புடன் படித்தார். அதைப் பார்த்து மனோதிடம் படிக்க வேண்டும் என்ற எண்ணத்தில் படித்து ஐஏஎஸ் பாஸ் செய்தேன் என்றார் என்றார்.