மாற்றுத்திறனாளிகள் குறைத்தீர் கூட்டம்

தேனி மாவட்டத்தில் மாற்றுத்திறனாளிகளுக்கான சிறப்பு குறைதீர்க்கும் நாள் கூட்டம் 12.03.2024 அன்று காலை 10.00 மணி முதல் பிற்பகல் 01.00 மணி வரை தேனி மாவட்ட ஆட்சியரக கூட்டரங்கில் நடத்தப்படவுள்ளது. இக்கூட்டத்தில் மாற்றுத்திறனாளிகள் மற்றும் சங்க நிர்வாகிகள் தங்கள் கோரிக்கை தொடர்பான மனுக்களை அளித்து பயன் பெறலாம்.

மனு அளிக்க விரும்பும் மாற்றுத்திறனாளிகள் தங்களது மாற்றுத்திறனாளி அடையாள அட்டை நகல், UDID அட்டை நகல், குடும்ப அட்டை நகல், ஆதார் அட்டை நகல், புகைப்படம்- 1 உடன் நேரிலோ அல்லது பாதுகாவலர் மூலமாகவோ விண்ணப்பித்து பயன்பெற கேட்டுக்கொள்ளப்படுகிறது. எனவே, இச்சிறப்பு மாற்றுத்திறனாளிகளுக்கான குறைதீர்க்கும் நாள் கூட்டத்தில் கலந்து கொண்டு மாற்றுத்திறனாளிகள் பயன்பெற வேண்டும் என மாவட்ட ஆட்சித்தலைவர் ஆர்.வி.ஷஜீவனா தெரிவித்துள்ளார்கள்.