சேலம்: கோடைகால குத்து சண்டை பயிற்சி

சேலம் மாவட்ட குத்துச்சண்டை கழகத்தின் சார்பில் கோடைகால இலவச பயிற்சி முகாம் நடைபெற்றது. இந்த முகாமில் பயிற்சி பெற்ற மாணவ-மாணவியர்களுக்கு பயிற்சி ஆடைகள் வழங்கும் விழா காந்தி விளையாட்டு மைதானத்தில் நடந்தது. சேலம் மாவட்ட குத்துச்சண்டை கழகத்தின் செயலாளர் மார்டின் தலைமையில் நடந்த நிகழ்ச்சியில் சேலம் கோட்டை மாரியம்மன் கோவில் அறங்காவலர் குழு தலைவரும் –குத்துச்சண்டை கழகத்தின் பொருளாளருமான என்.சக்திவேல், சேலம் மாவட்ட குத்துச்சண்டை தலைவர் கே.எம்.உலகநம்பி ஆகியோர் உடைகளை வழங்கினர்.

இந்த விழாவில் முதன்மை துணைத் தலைவர் ஆதி ஜோதிபாபு, துணை தலைவர்கள் கலைச்செல்வன், அக்மி பிட்னஸ் ஷெரிப், துணை செயலாளர்.அரவிந்த், விஜய், சட்ட ஆலோசகர் ஸ்டீபன் மற்றும் பெற்றோர்கள் கலந்து கொண்டனர். முடிவில் பயிற்சியாளர் அரவிந்த் நன்றி கூறினார்.