பஞ்சாமிர்தம் வாங்கினால் இனி ரசீது

இனி பழனி பஞ்சாமிர்தம் வாங்கினால் ரசீது தரப்படும் என கோயில் நிர்வாகம் அறிவித்துள்ளது. பழனி மலைக்கோயில் பிரசாதமாக பஞ்சாமிர்தம் வழங்கப்பட்டு வருகிறது. அப்படி வாங்கப்படும் பஞ்சாமிர்தத்திற்கு எந்த ஒரு ரசீதும் வழங்கப்படுவதில்லை என பொதுநல வழக்கு ஒன்று கொடுக்கப்பட்டது. இது குறித்து விசாரணையில் பதில் அளித்த தமிழக அறநிலையத்துறை தமிழகத்தில் உள்ள அனைத்து கோவில்களிலும் பிரசாதத்திற்கு ரசீது வழங்குகிறோம். அதேபோல் பழனியிலும் பின்பற்றுவோம் என்று கூறியது. மேலும் விசாரணைக்கு பின் இதைப் பின்பற்ற வேண்டும் என நீதிபதிகள் கூறினர். இதையடுத்து கோயில் நிர்வாகம் பக்தர்களுக்கு பஞ்சாமிர்தம் வழங்கப்படும் போது ரசீது தரப்படும் என அறிவித்துள்ளது.