தலைவாசல்: சாராயம் விற்ற பெண் கைது

சேலம் மாவட்டம் தலைவாசல் அருகே ராமசேசபுரம் கிராமத்தைச் சேர்ந்தவர் பிரபு. இவரது மனைவி தனலட்சுமி (42). இவர் தனது வீட்டின் அருகில் பாக்கெட் சாராயம் விற்பனை செய்வதாக போலீசாருக்கு புகார் வந்தது.

இதையடுத்து போலீசார் விரைந்து சென்றனர். அப்போது தனலட்சுமி சாராயம் விற்பது தெரியவந்தது. இதையடுத்து அவரை போலீசார் கைது செய்தனர். அவரிடமிருந்து 40 லிட்டர் சாராயத்தை போலீசார் பறிமுதல் செய்தனர்.