புதிய லோட்டஸ் கண் மருத்துவமனை திறப்பு விழா !

கரூர் செங்குந்தபுரத்தில் புதிய லோட்டஸ் கண் மருத்துவமனை திறப்பு விழா நடைபெற்றது. சிறப்பு கண் மருத்துவர் சுந்தரமூர்த்தி கடந்த 30 வருடங்களுக்கு முன்பு லோட்டஸ் கண் மருத்துவமனையை கோவையில் துவக்கினார். இதனைத் தொடர்ந்து கேரளா, திருப்பூர், சேலம், மேட்டுப்பாளையம் ஆகிய பகுதிகளிலும் கிளைகள் அமைத்து சிறப்பான சேவை வழங்கி வருகிறது.

இதனைத் தொடர்ந்து இன்று கரூர் செங்குந்தபுரம் பகுதியில் லோட்டஸ் கண் மருத்துவமனையின் கிளை இன்று துவக்கப்பட்டது. துவக்க விழாவில் கரூர் டெக்ஸ்டைல் பார்க் தலைவரும், அட்லஸ் ஏற்றுமதி நிறுவனத்தின் தலைவருமான அட்லஸ் நாச்சிமுத்து கண் மருத்துவமனை திறந்து வைத்து பாராட்டி பேசினார்.

இந்த நிகழ்ச்சியில் கௌரவ விருந்தினராக சிபிஐ முன்னால் இயக்குனரும், லோட்டஸ் கண் மருத்துவமனையின் இண்டிபெண்டன்ட் இயக்குனருமான டி ஆர் கார்த்திகேயன் கலந்து கொண்டார். மேலும், மருத்துவமனையின் நிர்வாக இயக்குனர் சங்கீதா சுந்தரமூர்த்தி, தலைமை செயல் அதிகாரி மற்றும் செயல் இயக்குனர் டாக்டர் ராமலிங்கம், கரூரை சேர்ந்த முக்கிய நபர்கள் இந்த நிகழ்ச்சியில் பங்கேற்றனர்.

மருத்துவமனை சார்பில் வரும் ஆகஸ்ட் 12 வரை கரூர் கிளை மருத்துவமனையில் இலவச கண் பரிசோதனை மேற்கொள்ளப்படும் எனவும், இந்த வாய்ப்பை பொதுமக்கள் பயன்படுத்திக் கொண்டு தங்கள் கண்களை பரிசோதனை செய்து கொள்ளலாம் எனவும், மருத்துவமனை சார்பில் தெரிவிக்கப்பட்டுள்ளது.