செங்கல்பட்டில் புதிய காவல் நிலையம் திறப்பு

செங்கல்பட்டு அடுத்த மலையடி வெண்பாக்கம் பகுதியில் ஒரு கோடியே 18 லட்சத்து 28 ஆயிரம் ரூபாய் மதிப்பில் புதிதாக மூன்று தலங்கள் கொண்ட அடுக்குமாடி கட்டிடம் கட்டி முடிக்கப்பட்ட செங்கல்பட்டு தாலுகா காவல் நிலையத்தை சென்னையில் இருந்து தமிழக முதல்வர் மு. க. ஸ்டாலின் காணொளி மூலம் திறந்து வைத்தார்.

இதனை தொடர்ந்து செங்கல்பட்டு மாவட்ட காவல் கண்காணிப்பாளர் சாய். பிரனீத் குத்து விளக்கு ஏற்றி துவங்கி வைத்தார். இதனை தொடர்ந்து புதிய செங்கல்பட்டு தாலுகா காவல் நிலையத்தில் காவல் ஆய்வாளர் புகழேந்தி கோப்புகளில் கையெழுத்திட்டார்.

இதனை தொடர்ந்து தாலுகா காவல் நிலைய கட்டிட வளாகத்தில் மரகன்றுகள் நடப்பட்டது. இந்த விழாவில் செங்கல்பட்டு சார் ஆட்சியர் நாராயனசர்மா, கூடுதல் காவல் கண்காணிப்பாளர் அனிகிட், தாலுகா காவல் நிலைய ஆய்வாளர் புகழேந்தி,

உளவுபிரிவு காவல் ஆய்வாளர் சௌந்தர்ராஜன், தனிப்பிரிவு காவல் ஆய்வாளர் அலெஸ்சாண்டர், தாலுகா காவல் நிலைய உதவி ஆய்வளர்கள் இரஞ்சித்குமார், சதாசிவம் உள்ளிட்டோர் கலந்துக்கொண்டனர்.