அதிமுக சார்பில் தண்ணீர் பந்தல் திறப்பு

தமிழக முன்னாள் முதல்வரும் அதிமுக பொதுச் செயலாளர் எடப்பாடி கே. பழனிச்சாமி அவர்களின் ஆணைக்கிணங்க, தமிழக முன்னாள் சுகாதாரத்துறை அமைச்சர் டாக்டர். சி. விஜயபாஸ்கரின் வழிகாட்டுதலின்படி புதுக்கோட்டை மாவட்டம் முழுவதும் அதிமுகவினர் கோடைகால தண்ணீர் பந்தலை திறந்து வைத்த வண்ணம் உள்ளனர்.

இந்நிலையில் புதுக்கோட்டை மாவட்டம் நமண சமுத்திரம் கடைவீதியில் அரிமளம் வடக்கு ஒன்றிய செயலாளர் கடையக்குடி S.திலகர் மாவட்ட இளைஞர் (ம) இளம்பெண்கள் பாசறை துணை செயலாளர் S.சீனிவாசன் ஆகியோரது ஏற்பாட்டின் கீழ் கோடைகால தண்ணீர் பந்தலை தமிழக முன்னாள் வீட்டு வசதி வாரிய தலைவரும், புதுக்கோட்டை தெற்கு மாவட்ட கழக செயலாளர் பி .கே .வைரமுத்து ரிப்பன் வெட்டி திறந்து வைத்தார். பின்னர் பொதுமக்களுக்கு நீர்மோர், பானக்கம், சர்பத் ,நுங்கு, உள்ளிட்ட பழரசங்கள் வழங்கப்பட்டன. அதிமுக நிர்வாகிகள் பொறுப்பாளர்கள் பொதுமக்கள் என ஏராள முன்னோர்கள் கலந்து கொண்டனர் .