ஆம்பூர் அருகே மாவட்ட ஆட்சியர் ஆய்வு

 திருப்பத்தூர் மாவட்டம் ஆம்பூர் அடுத்த மிட்டாளம் ஊராட்சியில் உங்களை தேடி உங்கள் ஊரில் திட்டத்தின் கீழ் திருப்பத்தூர் மாவட்ட ஆட்சியர் தர்பகராஜ் மிட்டாளம் ஊராட்சியில் ஆய்வு மேற்க்கொண்டார்.

அப்பொழுது மிட்டாளம், குட்டகந்தூர், பைரப்பள்ளி ஆகிய பகுதிகளில் உள்ள அரசு துவக்கப்பள்ளியில் பள்ளி மாணவர்களுக்கு வழங்கப்படும் உணவு குறித்து ஆய்வு மேற்க்கொண்ட, பின்னர் பள்ளி மாணவர்களின் கற்றல்திறனை ஆய்வு செய்தார், அப்பொழுது மாணவர்களுக்கு சிறந்த முறையில் கல்வி கற்பித்து வரும் ஆசிரியர் ஜோதிமணிக்கு ஆட்சியர் சால்வை அணிவித்த போது ஆசிரியர் ஆட்சியர் காலில் விழுந்தார், உடனடியாக ஆசிரியரே காலில் விழுவது தவறு என ஆட்சியர் கூறினார்.

அதனை தொடர்ந்து மிட்டாளம் பகுதியில் உள்ள உயர்நிலைப்பள்ளியில் மதிய உணவு இடைவேளையில்,பள்ளி மாணவர்களுடன் தரையில் அமர்ந்து ஆட்சியர் மதிய உணவை உண்டார். அதனை தொடர்ந்து மிட்டாளம் பகுதியில் உள்ள மாற்றுத்திறனாளிகளுக்கு பல்வேறு நலத்திட்ட உதவிகளை வழங்கினார், இந்த ஆய்வில் அரசு துறை அதிகாரிகள் பலர் கலந்து கொண்டனர்..