சர்வதேச பலூன் திருவிழா; சோதனை ஓட்டம் ரத்து!

பொள்ளாச்சி: சுற்றுலாத்துறை சார்பில் கடந்த சில ஆண்டுகளாக சுற்றுலாதளத்தை மேம்படுத்தும் வகையில், பொள்ளாச்சியில் பலூன் திருவிழா நடைபெற்று வருகிறது. அதன் அடிப்படையில் இந்த ஆண்டிற்கான சர்வதேச பலூன் திருவிழா இன்று 12ம் தேதி துவங்கி,  வரும் 16ம் தேதி வரை ஐந்து நாட்களுக்கு நடக்கிறது. 

இந்த ஆண்டு பலூர் திருவிழாவில் பிரான்சு, நெதர்லாந்து, ஸ்பெயின்,  தாய்லாந்து, ஜப்பான் உள்ளிட்ட 8 நாடுகளில் இருந்து பல்வேறு வண்ணங்களில் வடிவமைக்கப்பட்ட பலூன்கள் மற்றும் பைலட்கள் இன்று சோதனை ஓட்டம் நடத்த இருந்தனர். இந்நிலையில் பொள்ளாச்சி மற்றும் சுற்றுவட்டார பகுதியில் காற்றின் வேகம் அதிகமாக இருந்த காரணத்தால் சோதனையோட்டம் ரத்து செய்யப்பட்டது. இதனால் சோதனை ஓட்டத்தை பார்க்க அதிகாலையில் வந்த பார்வையாளர்கள் ஏமாற்றத்தில் திரும்பி செய்தனர்.