முன்னாள் முதலமைச்சர் பிறந்தநாள் விழா - எம்எல்ஏ பங்கேற்பு

செங்கல்பட்டு மாவட்டம்,மதுராந்தகம் அடுத்த வையாவூர் பகுதியில் மதுராந்தகம் வடக்கு ஒன்றிய கழக செயலாளர் V.G.குமரன் ஏற்பாட்டில் ,முன்னாள் முதலமைச்சர் மறைந்த ஜெ. ஜெயலலிதாவின் 76-வது பிறந்தநாள் விழா மற்றும் V.G.K.கார்த்திகேயன் அறக்கட்டளை திறப்பு விழா நடைபெற்றது.. இவ்விழாவில் சிறப்பு விருந்தினர்களாக முன்னாள் அமைச்சர் D.ஜெயகுமார், கழக கொள்கைபரப்பு இணை செயலாளர் செல்வி. விந்தியா, மதுராந்தகம் சட்டமன்ற உறுப்பினர் மரகதம் குமரவேல், செங்கல்பட்டு கிழக்கு மாவட்ட கழக செயலாளர் திருக்கழுக்குன்றம் S.ஆறுமுகம், மதுராந்தகம் ஒன்றிய குழு பெருந்தலைவர் K.கீதா கார்த்திகேயன் கலந்து கொண்டு ஏழை எளிய மக்களுக்கு மூன்று சக்கர சைக்கிள், தையல் இயந்திரங்கள், இஸ்திரிபெட்டிகள், புடவை போன்ற நலத்திட்ட உதவிகள் வழங்கப்பட்டது... அதனை தொடர்ந்து பொதுமக்களுக்கு மதிய விருந்து வழங்கப்பட்டது... இந்நிகழ்வின் போது,ஒன்றிய கழக செயலாளர்கள், மாவட்ட பிரதிநிதிகள், சார்பு அணி நிர்வாகிகள், மகளிர் அணி நிர்வாகிகள், கிளை கழக நிர்வாகிகள், கழக உடன்பிறப்புகள் மற்றும் ஏராளமான பொதுமக்கள் கலந்துகொண்டனர்..