நில முகவர் சங்கத்தில் சேவைசெய்தவர்களுக்கு பாராட்டு

நாமக்கல் மாவட்டம் குமாரபாளையம் தாலுக்கா நில முகவர்கள் நல முன்னேற்ற சங்கம் சார்பில் சேவை செய்தவர்களுக்கு பாராட்டு விழா சங்க தலைவர் சின்னுசாமி தலைமையில் நடந்தது. சங்கம் சார்பில் நடந்த கண் சிகிச்சை முகாம், ரத்ததான முகாம், அதிக மதிப்பெண்கள் பெற்ற மாணவ, மாணவியர்களுக்கு பரிசளிப்பு விழா, கோடை வெப்பத்தை தணிக்கும் வகையில் 60 நாட்களுக்கும் மேலாக நீர் மோர் வழங்கியது என்பது உள்ளிட்ட பல சமூக சேவைப்பணிகள் செய்யப்பட்டன.

இதில் பங்கேற்று சேவை செய்தவர்கள், நிதி உதவி செய்தவர்களுக்கு துண்டுகள் அணிவிக்கப்பட்டு நினைவுப்பரிசு வழங்கப்பட்டது. இனி வரும் காலத்தில் மேலும் அதிக சேவைகள் செய்திட தீர்மானம் நிறைவேற்றப்பட்டது. இதில் சங்க நிர்வாகிகள், வக்கீல் கருணாநிதி, பத்திர எழுத்தர்கள் சந்திரசேகரன், சண்முகசுந்தரம், குமாரராஜா உள்பட பலர் பங்கேற்றனர்.