சேலம் ஜி.எச் ல் ஆண்களுக்கான கருத்தடை சிகிச்சை முகாம்

ஒவ்வொரு வருடமும் நவம்பர் 21ஆம் தேதி முதல் டிசம்பர் 4ஆம் தேதி வரை "உலக வாசக்டமி" இரு வார விழா கொண்டாடப்படுகிறது. இதையொட்டி சேலம் மாவட்ட குடும்ப நலத்துறை சார்பில் ஆண்களுக்கான குடும்ப கட்டுப்பாடு அறுவை சிகிச்சை குறித்து பொதுமக்களிடையே பல்வேறு விழிப்புணர்வு நடவடிக்கைகளை மேற்கொண்டு வருகின்றனர். அதன்படி சேலம் அரசு மருத்துவக் கல்லூரி மருத்துவமனையில் ஆண்களுக்கான நவீன குடும்ப நல கருத்தடை சிகிச்சை சிறப்பு முகாம் நடைபெற உள்ளது. இந்த முகாமில் கலந்து கொண்டு சிகிச்சை பெறும் முதல் 30 பயனாளிகளுக்கு தமிழ்நாடு அரசு சார்பில் ரூ.1100 ஊக்கத்தொகை, அன்பளிப்பு தொகை ரூ.2000 என மொத்தம் ரூ.3,100 வழங்கப்பட உள்ளதாக அதிகாரிகள் தெரிவித்துள்ளனர்.