நில பிரச்சனை காரணமாக இளைஞரை தாக்கிய ஒருவர் கைது !

தூத்துக்குடி மாவட்டம், சாத்தான்குளம் அருகே உள்ள குலசேகரன் குடியிருப்பு மேலத் தெருவைச் சேர்ந்தவர் உதயக்குமார் (57). இவருக்கும் அதே ஊரைச் சேர்ந்த ரத்தினசாமி மகன் முத்து கிருஷ்ணன் என்பவருக்கும் இடையே வீடு கட்டியது தொடர்பாக பிரச்சனை உள்ளது. இந்நிலையில் உதயக்குமார் அங்குள்ள சர்ச் அருகில் நேற்று வரும் போது முத்துகிருஷ்ணன் அவரை அவதூறாக பேசியுள்ளார்.  இதனை உதயக்குமார் தட்டிக்கேட்டுள்ளார். அதற்கு அவர், சர்ச் உள்ள இடத்தில் வீடு கட்டியிருக்கிறாய் என கூறி உன்னை கொலை செய்தால் தான் தீர்வு என கூறி முத்துகிருஷ்ணன், ஜெயபாண்டி மகன் தினேஷ், ராஜமணி மகன்கள் ஜெயபாண்டி, மாடசாமி, மாடசாமி மகன் மாதவன் ஆகியோர் அவரை இரும்பு கம்பியால் தாக்கினர். அப்போது அருகில் கண்டிக்கவும் அனைவரும் ஓடி விட்டனர்.  இதில், காயமடைந்த உதயக்குமார் சாத்தான்குளம் அரசு மருத்துவமனையில் அனுமதிக்கப்பட்டார்.  இச்சம்பவம் குறித்து சாத்தான்குளம் காவல் நிலையத்தில் உதயக்குமார் அளித்துள்ள புகாரின் பேரில் உதவி ஆய்வாளர், நாகராஜன் வழக்குபதிந்து முத்துகிருஷ்ணனை கைது செய்து விசாரணை நடத்தி வருகிறார். மேலும், 4பேரை தேடி வருகிறார்.