வாலிபரை பாட்டிலால் தாக்கிய நபர் கைது

வளசரவாக்கம், டாஸ்மாக் மதுக்கூடத்தில் வீண் தகராறு செய்து, வாலிபரை பீர் பாட்டிலால் தாக்கிய நபரை, போலீசார் கைது செய்தனர். வளசரவாக்கம் வேலன் நகர், மூன்றாவது தெருவைச் சேர்ந்தவர் பாகேஷ்குமார், 37. இவர், நேற்று முன்தினம் வளசவராக்கம் ஆற்காடு சாலையில் உள்ள டாஸ்மாக் மதுக்கூடத்தில் அமர்ந்து மது அருந்தியுள்ளார். அப்போது, அவரது எதிரில் அமர்ந்து மது அருந்திய மற்றொரு நபர், பாகேஷ்குமாரின் மொபைல்போனை எடுத்து பார்த்துள்ளார். இதில், இருவருக்கும் இடையே தகராறு ஏற்பட்டது. தகராறு முற்றிய நிலையில் பாகேஷ்குமாரை, எதிரே இருந்த நபர் பீர் பாட்டிலால் தலையில் தாக்கியுள்ளார். இதில் காயமடைந்த பாகேஷ்குமார், மருத்துவமனையில் அனுமதிக்கப்பட்டார். இதுகுறித்து விசாரித்த வளசரவாக்கம் போலீசார், பாகேஷ்குமாரை தாக்கிய வளசரவாக்கம், புதிய பெத்தானியா நகரைச் சேர்ந்த முத்துஜா அகமது, 26, என்பவரை நேற்று கைது செய்தனர்.